TekA_LanG!!!

Sa simula’y kayhirap mong mahagilap

Tila ka isang pabango sa tuwina ko’y nalalanghap

Ni hindi pinagpalang makita

Bahagyang anyo’y namuo sa aking dalita

Habang lumilipas ang panahon

Unti-unting nahihinuha hanggang sa maglaon

Natuklasang puso sayo’y namamangha

At tila ba’y hikbi nito’y iyong tawa

Gaya ng aking nakaraan

Mabilis itong dumaan

Bigla na lamang nagising

Ikaw, sa puso ko’y nakasulsi

Maraming araw ang nagdaan,

Laging hangad ika’y aking mamataan,

Maraming pagkakataon ang lumipas,

Sadya ngang tibok sayo’y nakakumpas

Di mo’ko pinapansin

Lahat na ata’y tinangkang gawin

‘ba’t ba siya na lang lagi?

Kahit ako naman ang iyong nasasagi?

Lumilipas ang panahon

Nararamdaman sayo’y muling umaahon

Sapat nang mga titig mo,

Higit na ang tinig mo

Tangan mo na ang puso ko

Wag lang ang inspirasyon ko

Hayaang lihim kitang pagmasdan

Pag’di ka niya sinusundan

‘kala ko, masakit ang umibig nang di iniibig

Umiiyak sa bawat pananabik

Yun pala’y ang makisalo sa mahal ng kaibigan

Nagdurugo sa tuwing ka’y hinahagkan

Mahal kita!

Pagkat kaw katuparan ng buhay ko!

Pero hamak na mas mahal ko siya!

Ang KAIBIGAN na siyang buhay ko!